Especial Elecciones Nacionales 25M (IV)

Entrevista a Rosa Díez

LMM: Bones tardes, señora Díez. Por mor de la campaña electoral asturiana, voi facé-y unes entrugues. Guste atendeme.

RD: ¡Sí quiero! ¡Soi una persona mui especial!

LMM: ... Mui bien... Correctu. Entamemos. ¿Cuála ye la so  rellación con Asturies?

RD: Hmmm... ¿Asturias? Sí... Bueno. Mía fue la idea de hacer -cuando me secuestraron en País Vasco para hacer de Consejera- el primer anuncio de Fabada Litoral.  Se puede decir que mía es la autoría intelectual. ¿Le parece poco, joven?

LMM: ¿En serio?

RD: No, en broma.

LMM: Vaya. Si lo peor de les entrevistes son siempre los comienzos...

RD: Le entiendo perfectamente, no es fácil entrevistar a una estrella de la política internacional como yo. Debe saber que soy un ser irrepetible, una mujer de estado!

LMM: [Acoyonáu]... Y, bono, que, entós..

RD: En castellano. No me hable en dialecto. ¿O es usted un poco gallego?

LMM: ¡Asturianu, pero del occidente!

RD: No, si lo digo porque veo que su nivel intelectual es como el de un párvulo (de primer año) y además insiste en hablar esa dialecto, los bables, que no sé si será usted un poco gallego, y además vaya porquería de entrevistas -aún sabiendo que yo no concedo entrevistas, puesto que amo tanto la democracia que practicarla me parece profarnarla. Pero justo salía a comprar un par de calcetines y me aborda usted con sus tontas cuchufletas.

LMM: Bueno, bueno, esta pregunta, ¿Qué ofierta usté que de nuevo que la estreme del Home-Llobu, del Dóberman o del Perru-Pastor del PP?

RD: ...  ¿Y de qué parte del Occidente dice que es usted? De la costa o del interior?

LMM: ¿Qué foi lo que los llevó a pautar nes elecciones estatales col Dóberman en Madril pa dempués romper el grupu parllamentariu?

RD: ... Síiii... Bueno, no se que dicen ustedes los paletos de provincia de Asturias cuando hablan su jerga separatista de una piedra y una gadaña...

LMM: ¿Xuntóu la piedra cola guadaña?

RD: ... Etc, etc, etc. Pero Cascos es un buen chico. Tiene perfil... Que pena que en UPyD sólo quepa un perfil. ¡¡¡Y lo tengo todo yo!!!

LMM: Facemosnos munches entrúgues sobre si UPyD ye un partíu d'esquierda o de drecha.

RD: Mire, somos lo suficientemente vagos a nivel intelectual cuando hablamos de política como para responderle que tenemos superada la idea de derechas e izquierdas en la política, bla bla blá, bla bla blá, bla bla blá. Y no lo digo yo, sino nuestra nómina de intelectuales chulos como Fernando Savater, Álvaro Pombo o María Patiño. Claro que, si usted, aún vive en el siglo XXI...

LMM: ... Ye que vivimos nel sieglu XXI...

RD: ¡Ay que despiste que me van a sacar ahora en todos los zappings de la nación!

LMM: Pero entrando en fariña, ¿Qué tienen pensao facer n'Asturies?

RD: Ya le digo que no hablo dialecto.

LMM: Hum hum... Medidas concretas de su política para los próximos años en Asturias si ganan las elecciones.

RD: ¡Ajá! ¡Usted habla la lengua común! ¡Los separatistas son todos iguales, un poco gallegos! ¡Ve como nos entendemos todos los españoles libremente!

LMM: Creo que está usted eludiendo mi pregunta. Medidas concretas.

RD: Bueno... Para empezar vamos a quitar la cruz del escudo y de la bandera de Asturias, porque somos un partido laico. Luego quitaremos el escudo y la bandera, puesto que son las autonomías la base de la crisis. Seguidamente suprimiremos ayuntamientos, dejaremos 8 sólamente en Asturias (seremos suaves). Como no tendremos BOPA, daremos su rango equivalente a LNE. Y será la propia LNE quien presidirá la Diputación Provincial, junto a mi, claro. Pero yo desde Madrid ¿eh? Por supuesto, eliminaremos la enseñanza de dialecto en escuelas, institutos, y universidad; en su lugar se mostrarán las entrevistas de Juan Neira en Canal 10. Poco a poco...

LMM: ...

RD: Como no habrá autonomía en Asturias, se resuelve de un plumazo el problema de la sanidad y de la RTPA. El SESPA no llevará ni un euro más de los presupuestos autonómicos (puesto que no va haber tales presupuestos) al igual que la RTPA. Lo que haremos será reponer una y otra vez en su lugar la película Vente pa Alemania Pepe, hasta que, hastiados, miles de asturianos, efectivamente se marchen a Alemania, y aquí Paz y Despues Gloria.

LMM: ... ¿Y col metal, la minería y l'agricultura?

RD: ¡Joder, cómo sois los de provincias, si tenéis de todo y aún os quejáis!

LMM: ¡Pero usté quier tresformar Asturies nun ermu!

RD: ¡¿Lo ve?! ¡Usted lo ha dicho, vamos a dejar Asturias hermosa! (¿Hermo en jerga impuesta separatisa es hermoso, no?)

LMM: Meca, qué pufu.... Agora yá séi por qué esti fedor nun concede entrevistas...

RD: ... y luego, y luego, yo voy a ser presidenta, no presidente de la nación, y, uuuuuuuh, van a hacer lo que diga yo... y, y, ZP y Rajoy, se acordarán!!! ¡¡¡¡EH, JOVEN SEPARATISTA E INSOLIDARIO, NO SE MARCHE!!!!

(Ai, qué dolor de cabeza. Quién me mandaría andar tres d'esta xente)

Especial Elecciones Nacionales 25M (III)

Qué queréis que vos diga... A min Rafa Palacios caime bien. (Igual puede ser que tampoco lu conozo bien). Nun sé.

Pero dame confianza. Sí, ye l'únicu candidatu nestes elecciones que ta saneáu, y ye cosa que, a min que soi de la Zorra Rural, tranquilízame.

A min, d'ésti, préstame la casa, pero non el personax. Ái, y el patinazu col tema la toponimia...



Por siguir colos parecíos razonables, L'Home-Llobu col payoutu xacobín y xateiru:

La miesma cara d'aldeanu. Tien los güeyos d'aldeanu. Agora que lo pienso, ¡¡¡como los de mio!!!

Pero ponéi-ys una boina, yá veréis como-ys cala...

Sí ¿eh? Yá lo tabais viendo, ¿eh?

Y, cómo non, equí nun salva naide:

 

Los parecíos semeyen, semeyen abondo bien. Al d'UPyD nun-y voi poner nengún porque nun teo ganes, porque ye d'UPyD y nun me fai gracia. 

A min Rafa Palacios siempre me volvió al maxín (sedrá pola so cara redonda, y porque-y teo cierta simpatía) a esti personax:

Don't panic...

...Porque nesta otra semeya siempre acoyono:

(Paecen otra cosa. Porque ta la bandera, que sinon...)




Bono, venga yá, nun voi discriminar (como faen ellos cola llingua asturiana) a UPyD:

Sí, lo que piensan. Ehí ta Rosa Díez cuando llegó del planeta de los llargatos, más nueva. Rosa Díez la la roxa d'UVE, y tolos díes merienda un mure. Y la morena, sí señores, foi, nantes de camudar el sexu y poner pirula, el candidatu p'Asturies, Nunséqué Prendes.



Y non, nunca nun supi qué yera lo que quería demostrar Rosa Díez cuando se vistió asina:

Pero por poner otru paecíu razonable....

Yo, polo menos asina lo veo...

Especial Elecciones Nacionales 25M (II)

Vaaaaaaya!!!

Lo que tevo que pasar, ¿eh? Pero al final, ¿eh? L'Home-Llobu, ehí lu tenéis. Pensé que tampoco d'esta, pero non. Y non, nun ye que la cosa sía tampoco pa ¡Uuui, meca, ehí va d'esta! Non, que naide nun se faiga ilusiones. Pero, ehí, ehí.

Y la cosa vien porque Llobeiru -bono, Llobeiru non, na F$A meyor dicho- ta apurando les sos posibilidaes cara los comicios nacionales, les nueses elecciones. Conque ehí punxenon nel so programa electoral una orixinal redacción d'ún de los sos artículos "pa los del bable".

¡Ai, Mamina!

Sospriende ver, sí amiguinos, esta noticia. Y pensar, como se verán ellos, l'ala más xacobín y antiasturianu del PSOE, pa meter esta redacción nún de los sos artículos, a la hora de tratar l'asuntu llingüísticu.

Qué sí hom, ye un artículu mui abiertu, ye "l'apoyu" que-y da la FSA-PSOE, y eso, pero llama l'atención.

Al Lobis-home tien que-y pruyir, pero que se metiera al so trabayu de péritu y non a la política, entós.





Ta claro qu'agora, per otru llau, n'Asturies volvemos xugar col futuru de la sanidá y la educación y los servicios públicos. Y como nes anteriores elecciones autonómiques ponemos en xuegu'l modelu de país: O semeyanos a Valencia y/o Madrid o tirar per otru camín.

Instalar copagu sanitariu, deteriorar el sistema de sanidá públicu asturianu (tamién podíamos falar equí de Cataluña), poner la rede d'hospitales y medios del SESPA en manes de xestores privaes... Lo mesmo que na Educación.

El Dóberman yá la entamare cola RTPA, y non.

Personalmente nun toi a favor d'esta RTPA, la RTPA de la FSA-PSOE. Y nun toi por:

-RTPA sólo tien razón de ser si se manda única y esclusivamente de la llingua asturiana (y gallego-asturiana).

-RTPA sólo tien razón de ser si sirve pa crear emplegu y una industria audiovisual, con producciones, empreses, trabayadores y recursos n'Asturies; o na midida de lo posible,  principalmente n'Asturies.

-RTPA sólo tien razón de ser si apurre conteníos globales; pero tamién si recuéi nes sos emisiones el mayor númberu d'opiniones y puntos de vista.

-RTPA sólo tien razón de ser si procura la busca de la mayor calidá na so programación, nos sos conteníos y nos sos medios.

-RTPA sólo tien razón de ser si tien vocación de mediu públicu y asturianu, finalmente. (Y obviamente, ensin mamonéu nin caciquismu nin duerna).


El modelu de televisión que quier el Dóberman y el Perru-Pastor que presenta'l PP (ellos llámenla Cherines) ye'l que tienen los cazurros pa Castiella y Lleón; bono, igual pa ellos ta bien; pero lo que vien siendo pa nós, pa los asturianos, non.

Nós nun queremos una tv que sirva pa los fines propagandísticos que sirve TeleCazurra; una tv en teoría non venceyada al poder, pero na práctica vecera y vocera del mesmu; una tv que lo mesmo podía valir pa Madrid, que pa Murcia que pa Segovia; una tv que nun rinde cuentes a naide, pero amerita'l nome d'autonómica como si tal fora.


Pues el Dóberman y la Perru-Pastor van per esi camín. Ési, y non otru, ye'l so fin pa la RTPA.


Dios nos llibre... de TeleCastiella.

Especial Elecciones Nacionales 25M

Unes declaraciones na prensa asturiana de Sosa Wagner. Sí, atención Sosa Wagner:

Ési.  Cada vegada qu'abre la boca suena esta sintonía de fondu.

Francisco "Richie" Sosa Wagner ye eurodiputáu (por España, por supuesto) nel Parllamentu Européu, pero punxo escuela n'Uvieo, d'ehí que tenga muncha gracia pa colos asturianos.

Bono, pues tevo una ocurrencia agora que ta mui de moda, que ye tol tema de la reducción de Conceyos (o municipios pal restu del estáu) y que, dende la mio visión (simplaya per otru llau) ye intelectualmente mui feble. Y, yo que soi simplayín, pero un partíu nel que militen Fernando Savater, Álvaro Plombo, El Tontu les Toreyes Gaches, Leticia Sabater, la Funcionaria de Sodupe (sobre too), ente otros, creo que tal-yos pagaba la pena pensar dalgo meyor.

Vaya. Vese nel mapa cláramente como los conceyos d'Asturies tienen un tamañu muncho mayor que los de la media estatal. Sirva d'exemplu qu'Asturies teniendo aprosimadamente'l doble d'estensión que Cantabria tien 78 conceyos frente a los 102 municipios dáquella.

Pero bono, ye lo que tien la vagancia intelectual de los militantes d'esi partíu, polo menos no que se refier a les sos propuestes polítiques. Equí tamién hai que reducir conceyos, y si-y entrugan a Sosa Wagner o a Leticia Sabater cuántos conceyos tien Asturies la rempuesta sedrá: "¡Milenta ún!" Y eso que nun falen asturianu.

¡Qué-yos vamos facer! Xente asina tienlo qu'haber, que sinon de qué nos díbemos rir. Son un poco lo peor del Partíu Conservador Británicu -pa lo económicu-, el gaullismu pa lo nacional, y el Partíu Democrata-Lliberal, tamién Británicu, pero d'estos sólo gasta la imaxe.

Esta selmana, l'economista David Rivas fixo un ensiertu nel so blog que, personalmente, prestome asgaya.





Y bono, como non, pa nun m'igualar muncho a esta gadofia d'UPyD, voi proponer otra vía, qu'igual sirve p'Asturies, anque pa otres partes del Estáu, igual nun valga. Pero ye lo que tien, Asturies is diferent.

Deixái los conceyos como tán. Home, si queréis, xuntái Os Ozcos, los trés nún conceyu solu. O Samartín del Rei Aurelio con Llangreo. O'l Valle Baju col Valle Altu Peñamellera... ¡Qué sé yo!

Pero si se quier, de veres, aforrar gastu, nel nuesu drechu foral, nes nueses figures de drechu consuetudinariu asturianu, hai salides propies, vetustes y afayadices pa iguar una meyor alministración, polo menos p'Asturies, anque igual nun tea ningún xacíu aplicales pan Valencia, pan Madrid o pan Cataluña.

Figures, qu'apaecen nel Estatutu d'Autonomía, como la Parroquia Rural, que ye obxectu de desentralización, puede aforrar gastu, nos conceyos rurales y nes faces rurales, y una xestión más conforme a les necesidaes, los recursos y l'autoxestión de los vecinos. Les Andeches, similares al auzolan vascu, son una adaptación a les reformulaciones práctiques (y teóriques) del nuevu Socialismu del Sieglu XXi; tando como tán les coses, ye una figura de primer orde, que puede traer mesura, puede ordenar meyor el mediu rural y optimizar recursos na Asturies rural (por nun falar de l'Asturies urbana).

¿Fálase, entós, d'optimizar recursos o d'uniformar l'Estáu? A esta conclusión habrá que llegar caún como vea. Posibilidaes, seique heba más.

Pero dende equí, úfrese un argumentu (quiero pensar que propiu de la Esquierda Nacionalista Asturiana) frente a, dexemoslo en "raro", del nacionalismu xacobín y populista d'UPyD.

Las Graciosadas (II)

ATENCIÓN: Si sos menor de 18 años ou piensas que lo que puedes lleer nesta entrada puede ferir la tua sensibilidá, por favor, ruégote que nun sigas lleendo esti insiertu.



Presta, a la hora volver a casa, depués d'un duru día de folganza mundu alantrones llegar ya lleer a Grasa Noruega. Güei, depués de mercar pa facer porros, púnxeme a ello, a ver si lleía en LNE dalgo d'esti home. Ya sí ho, dalgo había.

Na sua epístola matutina, Grasa Noruega alcuérdase de Javier Marías, un puntu que tien carencias d'informática que nun-y permiten ni prender un ordenador. Conque por outru llau a min eso valme, porque asina nin Grasa Noruega nin Javier Marías pueden lleer lo que voi escribir nesti ordenador. Amás, Grasa Noruega a partir de las 18.00h yá nun llee nada, porque ya nun hai lluz natural, ya lleer a Dostoievsky con lluz eléctrica ye pecáu. Vaya, que Grasa Noruega yía un pouco cumo Chuck Norris, pero de lo que vien siendo las lletras.

Nun sé que moleición-y prúi agora pa cola llectura d'El Quijote, que ¡ai, los mozos yá nun van ser quien lleellu!

Ya yía verdá. You miesmu -teolu lleío ans xa che fai- si me puengo nun sou, porque cánsame la vista, con tanta lletra pequena, ya yía una putada, ya amás tamién yía un llibru mui gordu, ya ensin colorinos.

Mirái sicasí, que nun teo esi problema cola nueva lliteratura. Touve ehí atrás lleendo un llibru que llamaban "La Rana Mariana" con una fía de 5 años d'un primu míu  ya mui bien, ¿eh? Tenía la lletra gorda qu'eso sí se vía bien, ya amás taba illustráu a too color.

Lo que yá nun entiendo tanto yía esta contradicción na que se mete Grasa Noruega él solín. Porque Farturinas diz que sí los más mozos tienen complicaciones pa entender l'español, ¿cúmo llueo yía una llingua de las grandes, de las bonas, "de intercambio" "Es una lengua en expansión" nas suas propias palabras?

Decataivos, mious neños, d'asegún Grasa Noruega cumo d'eiquí a 50 años los hispanoparllantes van falar cola soltura d'esti señor

Lo cual, cláramente, vei ser una grandísima putada, pero yía asina.

Afondando nel pataqueiru nel que'l señor Grasa Noruega se metéu él solín, si ésta vei ser la mayor riqueza que nos vei quedar (de xuru por delantre de Villa Magdalena) ya qu'amás yía la más segura, pues vaya cagada. ¡Qué ficimos mal! ¡Áu nos enquivocamos!

Ya cumo nun podía ser d'outra manera, eiquí'l separatismu tamién yía una cousa que, bono, anque nun séi mui bien que pinta nesto, a Farturinas siempre-y paez tema recurrente. Dicen las falanderas menos fachendosas que una vez mentres que dormía suañaba con una potada de pote berzas; pero bono, tamién col separatismu.

Lo que tien claro eiquí Grasa Noruega yía que los mozos cada día damos más patadas a la llingua española ya esa yía outra, porque colos videoxuegos ya inda tamién con todos esos aparatos electrónicos inventos del Diablu, pa qué más cuntar nada.

You, polo qu'a min respecta, las consolas ya los vieoxuegos cumo que nunca me llamanon muncho. Bono, you claro, tenía un viciu bastante indecente col porno de personas mayores, lo cual tampouco foi que m'axudara muncho a la hora de desenrollar el miou cultivu llingüísticu pa cola llingua de Lope de Vega, pa que dicir lo contrario. Ya tovía puedo dicir qu'hai, hai munchos mozos que touvienon cumo you.

García Márquez, qu'escribíu Cien Años de Soledad, ya que you nun entendí nada, porque aquella xente yeran milenta, ya paecía un galimatías con tantos personaxes ya tanta hestoria, qu'hasta-y dienon el Nóbel pa que touviera quietu ya nun volviera escribir más; pues García Márquez yía un descastáu, ya tamién diz que quier abolir la ortografía, ya a ver cúmo llueo lleemos los xeniales camientos de Grasa Noruega.

Particularmente acoyóname bastante que, cola supuesta supresión ortográfica, se pueda llegar a una Revolución -quiero suponer que política- siendo un desestabilizador de primer orde, asina podía llegase a una hecatombe mundial, porque mira que nun hai xente que fale l'español -según Farturinas- Mundu Alantre.



Agora, a min personalmente, lo que me llega al alma yía esi xuiciu de valor de Farturinas cara Rajoy "el socialismo moderado de Rajoy proyecta anular la lengua".

You nun quixera conocer lo qu'a Grasa Noruega-y paez a él lo que pueda ser un gobiernu xacobín de dereicha. Nun-ylo deseo a naide.

Nun choque de trenes en Polonia sal vivo ún namás un asturianu

Coño, pues ello foi que p'allalantrones, pa la parte Polonia, chocan dous trenes, ya houbo hasta muertos ya too, pero quedóu un asturianu, que bono, taba ehí, porque paez que lu llamanon pa cubrir la noticia, pero non, él taba d'Erasmus.

Polo visto, según fuentes, diba con un grupu d'estudiantes españoles a una fiesta de piyamas d'estas que faen tolos estudiantes, porque dende que ta Justin Bieber, agora la cousa ta asina, porque you tovía soi de cuando Chuck Norris, ya facer (¡en mious tiempos!) una guerra piyamas yera un pouco raru, pero non agora. Esto llámase "fenómenu emo".

Pues nada, que los trenes chocanon, ya nun foi por culpa del asturianu.

Ya ehí, LVA, que yía un periódicu asturianu [mui importante, lo d'asturianu, porque yía cumo si fora una forma yá de facer periodismu, qué cuoñu, la pataca connection] narra la noticia: "Chocanon dous trenes, matánonse milenta, foi en Casasomadre ya había un asturianu que, ¿quéreis creyer qu'ési salíu cumo si tala cousa?"

Pues sí ho, asina foi. Nun yía una noticia tampouco morbosa, porque son cousas que pasan davezu.

Sicasí, la última frase, da un pouco d'eso: "La Universidá d'Uvieo nun tenía nin puta idea qu'un estudiante touviera prehí"; Meca, a ver si se vei destapar que, Xurde Wynn, que yera cumo se llamaba'l nuesu compatriota, taba pirando. ¡Ai, ai, ai!




Tres esi morbu periodisticu, las mias condolencias a tolas familias de los accidentaos, ya esperemos que nun vaiga la cousa a más.

 

Asturies país Luso

Mirando pola rede, cheguéin á páxina de facebook del Bloque-UNA. Y xá veo que, con coherencia, usan a versión galega no seu perfil facebook, facendo os sous comentarios n'asturiano ou en galego, se cadra.

Eu opino qu'eso é coherencia, porque vexo qu'esa é úa lingua propia d'Asturias, a galega, a galego-asturiana, a portuguesa.

Y pra estas eleccióis vai presentase úa candidatura "lusista". Tían que serllo todas; peró eso vai ser muito.

Dito esto, esa candidatura lusista presenta un marcado antiandalucismo, porque eu nun séin por qué téin que tachar a bandeira andaluza, porque elos tamén téin eleccióis. Nun me gusta que yes tache a súa bandeira. ¿Qué yes fain?

Piden a creación d'un "Conseyo Comarcal"... ¿Prá qué quéremos un conseyo comarcal? Penso que nun nos fai falta, porque eso val pal Bierzo ou pa Pontevedra, peró n'Asturias temos antes que constituir máis parroquias rurales, que son a nosa base, y tamén son a nosa historia y tradición. Ademáis, son os conceyos a nosa base intermedia d'organización. Aquí nun fai falta crear un Conseyo Comarcal en nengún lado, en base a nun se sabe quéi.

Peró sí é verdá que falta Asturias cumo país observador dentro da Comunidá da Lusofonía. Y nun é qu'eu teña muito interés en que sía membro d'aquela, porque bó, ¿y hasta que punto nun é úa asociación como a Commonwealth ou la Communaute Française, postcolonial? Pero nós sí temos as nosas ligazóis con Portugal, por medio da lingua ou del Brasil, y xa nun digamos tamén conos vecíus da Galicia ou El Bierzo.

É mui importante ter lazos conos nosos irmaos de lingua de Miranda do Douro, de Lión y de Zamora, porque somos el asturllionesofonía ou asturfonía ou como lo queran chamar; pero tamén hai úa lusofonía, onde Asturias, mal que ye pese al Dóberman ou a quén ye corresponda, ten que tar pola súa cultura y pola súa herencia; y a tar de maneira propia, non núa forma sacada de Portugal, da Galicia ou del Brasil.

A nosa identidá é así. Son detalles, peró no del perfil facebook hai qu'aproveitar as ventaxas que tén el galego ou el portugués, fronte á lingua castelá, que, in sensu stricto, nun é propia da terra asturiana.