Encuesta: ¿Cuála vei ser la formación del prósimu gobiernu asturianu?

Hala, pa que votéis.

Póngovos una encuesta, porque asina igual si entra eiquí'l Dóberman ou'l Llobeiru tienen pa pensar.

Que vustedes participen!

Depués de les elecciones

Acabaron les elecciones, y yá se vuelve respirar otra vegada l'aire contaminao asturiano con total normalidá.

Al final la xostrapada del asturianismu (Bloque-UNA-LV y AA) sedrá bramente remembrada. Y de lo que nos vamos tamién acordar va ser de la entrada na Xunta Xeneral d'UPyD, el partíu que-y presta a Ynestrillas.

De mano, lo primero que fexo La Neña del Exorcista foi declarar xunto a la política profesional de Sodupe en Madril.

El dóberman vieno diciendo -como nos meyores tiempos del Partíu Asturianista- que con él diba terminase'l sucursalismu de Madril, por más qu'él viva la mayor parte del tiempu ellí. Pero ye qu'agora ye lo que nos faltaba, si yá lo facíen poco PPSOE, agora  con UPyD yá directamente, la so sucursal asturiana, da ellí les sos ruedes de prensa.

Y dicen que se metieron ente los pexes más grandes. Eso dícenlo como quixendo dicir qu'ellos son un partíu pequeñu; y sonlo en militancia, puesto que nun hai UPyD a nivel municipal. Pero eso sí, en cuestión de perres, tienen más que tolos partíos estraparllamentarios asturianos xuntos... inclusive a nivel estatal. Porque yo teo visto per Uvieo un autobús de campaña d'UPyD a tou trapu, y eso tien que costar cuartos...


Préstame güei enforma la espístola de Gracia Noriega na fueya parroquial. Y préstame abondo cuando fala de Cherines. Bono, y de too. Eso pasa-y por ser, demientres bien d'años, tán, precisamente, de dreches y reaccionariu.

Bono, de traca lo del presidente de Cantabria. L'otru que teníen, el de los bocartes, ési que diba pelos programes de TV que tal paecía la vieya de los anuncios de fabada enllatada; pues ési non, sinon el nuevu. Pues al nuevu que tienen ¿Nun se-y ocurre más que dicir "el PP n'Andalucía, el PSOE n'Asturies"? Contesto: Y Cantabria, pa tener un estadista d'esa guisa, que tornen a  Madrid el so estatutu, y que los metan pa con Castiella, que total... tanto da (y tanto importa al personal de perende).

Pues respective a lo de La Neña del Exorcista, yá teo ganes que llegue la Selmana Les Lletres. Ésti igual cola pa Colombia o prehí. Va pidir que faigan la Selmana d'esti añu n'honor de Palacio Valdés o de Leopoldo Alas alias Clarín. Pena qu'eso nun se vaya saber...

Nel colexu electoral ú voté taben escondíes les papeletes del BpA-UNA-LV (na cabina ú se votaba) xusto nes baldes que (coincidencia) yeren más anches. Conque les papeletes víense peor. Pero tar, ai non, eso sí, taben. Ye una pequeña zancadilla más. Eso sí, fuera de la cabina solo había una repisuca con cinco sitios baleiros, y ¿a que nun lo creeis? Taben puestes les papeletes de Foro, PP, PSOE, IX y UPyD, pa llembrar a quién votar. Vaya full!

Marcha -como yá adelantaba nun insiertu anterior- Marcelino Marcos Líndez pa Uvieo, y yá nun va ser alcalde Tinéu. Llevolu'l Llobeiru porque-ylo mandaron, y agora tienen pa Tinéu alcalde nuevu: Jose Ramón Feito, vaqueiru de La Bouga, Salas. Colo que va ser -depués del alcalde Salas- el segundu alcalde (polo menos asturianu) salense n'exerciciu. ¡¡¡Manteca-teca!!!


¡¡¡Qué cuatro años más grandes nos esperen!!!

Especial Elecciones Nacionales 25M (VII)

REFLEXÓN

Y yá. Esto ta na so xornada final. Na de reflexón.

Asina que facéilo.

La mio reflexón ye que nun importa tanto que gane quién gane, si PPSOE ou Cascos, qu'al fin y al cabu vieno d'ehí. Ye too la mesma raxa.

Non. Equí lo que xugamos ye la entrada na Xunta Xeneral de la UPyD y del Bloque-UNA-LV. Con tolo qu'ello lleva.

Y non, nun se va tratar tampoco del "vote vusté y calle". Non, equí somos homes y muyeres políticos, amantes de la res pública, y tamos los 365 díes del añu (sacante los 366 de los años bisiestos) na arena de la política. Agora tamos, por facer trabayar al maxín, na escoyeta del entrenador. Pero somos nós, nel día a día coles nueses acciones. Y equí yá, que caún piense pa sí... .. . . .

Porque acaben les elecciones y llueu vien una fuelga xeneral. Y non solo son los partíos, tán tamién los sindicatos, que pa qué falar d'ellos. Hailos que son tanta o mafía o más que dalgunos de los partíos políticos. Pero tamién los hai que non, o non tanto. Y finalmente, tamién los hai bramente honraos.

Nel nuesu horizonte somos nós los que nos tenemos que decatar que, heba perres o non nes sos campañes, salgan o non nos medios públicos, y hasta na sopa, o lo que sía, quién amerita de la nuesa confianza o quién val pa Noreña.

Y tamién qué sociedá o qué país, que futuru, en definitiva, queremos. Poro, hai que lo pensar bien caún.

Equí tamién quixera facer mención al comportamientu deplorable de la RTPA, faciendo una entrevista a los representantes d'UPyD y, al mesmu tiempu, negándo-yla a los del BpA-UNA-LV. Y non porque nun-yla tuvieren que facer a los d'UPyD, que me paez mui bien, pese a coses como éstes, sinon que teníen el mesmu drechu y la mesma xustificación los de la coalición d'esquierda, verde y asturianista.

Quiero entós, dexar constancia d'ello nesti día de reflexón, de cómo furrula la mafia asturiana, énte fechos tales.

(L'enllaz d'UPyD ta tirao dende'l blogue de Xuan Xosé Sánchez Vicente, colo que-y agradezo que siga ehí).

Especial Elecciones Nacionales 25M (VI)

EL PADRÍN

(23 de Mayu de 2011)

Javier Fernández taba ocupando'l sou escañu nel edificiu de la Xunta Xeneral. Esperaba xusticia. Quería mandar.

El dóberman xubíu al estráu. Ya anuncióu los resultaos electorales : "Foro one point/ Le Foro un point... PSOE nil point/ Le PSOE zéro point. A la puta cai".

Javier Fernández fora un home que tenía cara llobu. Ya taba desoláu, porque nun diba poder mangonear los sous cuatro años cumo mínimu.

Al pouco, los deputaos de Foro pasanon contra él mirando-y col mirar turcíu, ya Cristina Coto fízo-y un biecu col coldu, cumo quixendo-y dicir "¡A tomar por culu yá joder!."

Entós Javier Fernández, con llárimes nos son güeyos, alzóu del sou escanu ya dixo: "¡¡¡Prometo que vais vos cagar los calzoncillos cumo you me los cague eiquí güei!!!" (Díxolo ximielgando'l deu índiz cumo si touviera siguiendo una mosca).

(Primer domingu de Setiembre de 2011)

Esi día había, cumo tolos años, una fartura con cacharros pagos en Rudiermu. Ya cumo yera vezu yá, esi día El Padrín concedía tolas piticiones que-y ficieran, por mui raras que foran.

El primeiru yera un home más bien gruesu, de lentes, baxu ya qu'anteriormente trabayara de Presidente d'un Principáu -pero nun yera Príncipe-. Llamabase Tini Areces, ya pidiera-y al Padrín que cantara nel karaoke con él el cantar del Tractor Amarillo. "Concedíu, cágunmimantu". Ya foi.

Depués llegóu-y el turnu a Javier Fernández, pero El Padrín nun lu quixo recibir porque con esa cara que tenía de Llobu, daba-y miéu. Asina qu'armóuse de valor, tomóu una copa d'oruxu de sidra, ya entós sí, recibíulu.

-¡Ai, Padrín! ¡La que me feixenon! ¡¡¡Quitánonme de presidente!!! -dicía, mentres lloramiquiaba.

-¡Pues puedes entamar por ser paisanu! ¡Depués de too, sos el miou afiáu! (Ya ehí punxose a asonsañar al Dóberman, ya los sos esbirros partíanse'l culu de rise).

-¡Ois ho! ¿Fadraseme casu esta vuelta? Mira, l'amistá yíalo todo. Esta vuelta has llevar a Marcelino.

-Marcelino nun tien punch...

-¡Tú sabes que tampouco ties punch! ¿Prestábate ser alcalde de Tinéu?

(Eiquí faise silenciu)

-L'amistá yíalo todo hom. Val más qu'un Gobiernu. Val más que tener ou non tener punch. Val casi tanto cumo las perras.

-Toi jodíu de carisma. Amás esi charrán d'Álvarez-Cascos yía un uesu duru. Ta feichu un bon pigarra...

-¿Qué tas jodíu de carisma? ¿Úla la de ZP? ¡Eso son tontadas! Pero cúntame más d'esi charrán d'Álvarez-Cascos.

-Llegóu a Asturias, montóu un plataforma, ya depués un partíu, ya agora yía'l putu xefe. ¡Inclusive llegóu ser Presidente del Principáu! ¡Ya you nun vou sello!

-Tas jodíu, ya amás piensas que naide s'ocupa de ti...

- ¡Álvarez-Cascos yía amigu íntimu del felpeyu ési d'Esperanza Aguirre! ¡Ya de la patronal! ¡Ya de la industria del lladriyu!

-Yía un home de negocios. Fadréi una ufierta que nun vei poder refugar.

-Yía tarde abondo, que yá pasanon las elecciones...

-Volve a la espicha. Los tous compañeiros aguardante. Deixa esto nas mias manos.


JB taba ehí tomando las suas notas. El Padrín sospiróu, ya entrugóu si había dalgo más... ("Un ex conseyeiru con una amiga... Riopedre ya... ¿Marta Renedo? Sí."

(...)

(Sumanas depués yá n'Asturias)

JB presentouse énte'L Padrín. Pa falá-y d'Álvarez-Cascos:

- ¿Yá qué tal paisanu yía? ¿Yía paisanu?

-¡Mal encaráu...! ¡Tien mirar turcíu! Ya amás, ya feu pa perru. Ya tien tripuca cervecera.

Sicasí, eso nun yera lo que-y interesaba al Padrín. Conque JB quedóu mirando pal techu. Los años aprendieran-y a midise, ya saber que los valores colos que xugaba'L Padrín yeran diferentes a lo de la demás xente. ¿Yera Cascos un home de calter? ¿Yera neciu abondu? Home, eso sabíase. Pero'L Padrín quería saber si Álvarez-Cascos taba dispuestu a xugar fuerte, a sufrir grandes pérdidas... Entós JB feixo un biecu rise:

-Vusté lo que quier saber yía si yía asturianu.

El Padrín feixo un xestu afirmativu.

-Vieno de Madril. Eillí deixóu una montonera pufos.

Eso foi todo.


(...)

(Asturias, días antes de la convocatoria d'elecciones nacionales pa 2012)

-A ver ho, séi del [CENSURÁU], soi JB.

-¡Sos un fíu puta! ¡Vais cagavos outra vegada! ¡Vou sacavos de la Xunta Xeneral! ¡Vais tragar mierda! ¡Vou facevos fumu!

JB limitouse a dicí-y amablemente:

-Sou de la Cuenca.

Ya Álvarez-Cascos colgóu.

Especial Elecciones Nacionales 25M (V)

You, a min, lo del Dóberman, a fin de cuentas, muncho me choca. Cúmo esi home-y da agora, depués de vieyu, volver p'Asturias, a facer nun séi quéi. Ya amás ¿a quéi? Casí nada, a mandar.

Él llega, con aquel bandullu decadente, ya igual piensa que ta cumo cuando yera un sheriff nel PP d'Ánsar. Ya, paezme que nun sabe mui bien óu ta (ou tien que tar, vaya).

Nun séi.

Yía que toi maxinando cumo tendría que ser esa escena na que vien cola sua muyer, qu'a min dame que tien un pouco corte "pijippy"; típica paisana d'esa clas social, d'esa edá ya d'esi temparamentu, xeniu ya figura, que llega -de roubao más qu'outra cousa- a esti país dende Provincias -Val, vien dende Madril capital a una aldega de Salas por exemplu- ya cumo-y prestan tanto los animales-caxigalina trai'l sou Gochu Vietnamita (que ta mui de moda, ya dellas de las amigas tamién tienen ún, que son un monada, pero qu'a min paecenme toupos xigantes) p'eiquí pal pueblu.

Ya nun sabe lo que fai.

Ai, eso sí, los paisanonos de pueblu que nun vienon muyer de facha igual (meca, ¡ya valga la redundancia, miánicas!) ya esbábanse toos énte la muyer madrilana, ya ella faciendo la sua vida na Zorra Rural.

Conque, al pouco d'asentase na aldega, ya dempués de munchas ocurrencias -con outros tantos socedíos- pues.... ¿Queréis creer que la Gocha Vietnamita quedóu preñada ya touvo gurinos?

Pues sí ho. Claro, traen esa gocha tan cuidada, ya los gochos xabaces, los xabalinos del monte, los que tán bravos na biesca, ya que ta semao d'ellos, van, ya socedéu'l principal milagru de la naturaleza: Montanon a la gocha Cascos. Y gorinos, enteveiraos, ya arroxadinos, col fouciquín más llongu ya estreichu que'l de la bona raza vietnamita.

Ya los paisanonos: "Montanon a la gocha la muyer de Cascos", "La Gocha la muyer de Cascos, vaya camada que touvo", "La gocha de la muyer de Cascos paríu gochinos". Bono, una comedia total.

Pero, cumo na realidá todo se puede souperar, pues sí ho, mirái, porque los gochinos encariñánonse con Cascos, ya cuando taba n'antuzana de la sua casería (asturiana, sí, pero rematada a la moderna ya con calefacción central) andaban detrás d'él, apegaos.

"Mirái a Cascos cola sua camada gochos", "Mirái cumo-y quieren esos gochos", "Pero mirái cumo siguen a Cascos esos gochos a todas partes", ya, bono, sedrá lo que tenga que ser, eiquí nun voi opinar si hai dalgún paralelismu cola sua carrera política, pero dalgo, pol miou adientro, dame que pensar.



Llou, yá, pues vivía na casa'l matrimoniu de Cascos cola gocha ya la sua camada, qu'aquello igual paecía outra cousa más qu'una casa, pero bono. Ya tamién houbo un episodiu nel que la Gocha tirara pal monte, ya nun apaeciera, ya los vecinos, tamién ficieran una risa, pero bono.... Eiquí la propia muyer de Cascos ya se foi poniendo más nerviosa, seique.



Que, claro, esto yía una hestoria de ficción del miou especial d'elecciones 2012, que nun tien por qué se paecer a la realidá, son cousas mías.

Especial Elecciones Nacionales 25M (IV)

Entrevista a Rosa Díez

LMM: Bones tardes, señora Díez. Por mor de la campaña electoral asturiana, voi facé-y unes entrugues. Guste atendeme.

RD: ¡Sí quiero! ¡Soi una persona mui especial!

LMM: ... Mui bien... Correctu. Entamemos. ¿Cuála ye la so  rellación con Asturies?

RD: Hmmm... ¿Asturias? Sí... Bueno. Mía fue la idea de hacer -cuando me secuestraron en País Vasco para hacer de Consejera- el primer anuncio de Fabada Litoral.  Se puede decir que mía es la autoría intelectual. ¿Le parece poco, joven?

LMM: ¿En serio?

RD: No, en broma.

LMM: Vaya. Si lo peor de les entrevistes son siempre los comienzos...

RD: Le entiendo perfectamente, no es fácil entrevistar a una estrella de la política internacional como yo. Debe saber que soy un ser irrepetible, una mujer de estado!

LMM: [Acoyonáu]... Y, bono, que, entós..

RD: En castellano. No me hable en dialecto. ¿O es usted un poco gallego?

LMM: ¡Asturianu, pero del occidente!

RD: No, si lo digo porque veo que su nivel intelectual es como el de un párvulo (de primer año) y además insiste en hablar esa dialecto, los bables, que no sé si será usted un poco gallego, y además vaya porquería de entrevistas -aún sabiendo que yo no concedo entrevistas, puesto que amo tanto la democracia que practicarla me parece profarnarla. Pero justo salía a comprar un par de calcetines y me aborda usted con sus tontas cuchufletas.

LMM: Bueno, bueno, esta pregunta, ¿Qué ofierta usté que de nuevo que la estreme del Home-Llobu, del Dóberman o del Perru-Pastor del PP?

RD: ...  ¿Y de qué parte del Occidente dice que es usted? De la costa o del interior?

LMM: ¿Qué foi lo que los llevó a pautar nes elecciones estatales col Dóberman en Madril pa dempués romper el grupu parllamentariu?

RD: ... Síiii... Bueno, no se que dicen ustedes los paletos de provincia de Asturias cuando hablan su jerga separatista de una piedra y una gadaña...

LMM: ¿Xuntóu la piedra cola guadaña?

RD: ... Etc, etc, etc. Pero Cascos es un buen chico. Tiene perfil... Que pena que en UPyD sólo quepa un perfil. ¡¡¡Y lo tengo todo yo!!!

LMM: Facemosnos munches entrúgues sobre si UPyD ye un partíu d'esquierda o de drecha.

RD: Mire, somos lo suficientemente vagos a nivel intelectual cuando hablamos de política como para responderle que tenemos superada la idea de derechas e izquierdas en la política, bla bla blá, bla bla blá, bla bla blá. Y no lo digo yo, sino nuestra nómina de intelectuales chulos como Fernando Savater, Álvaro Pombo o María Patiño. Claro que, si usted, aún vive en el siglo XXI...

LMM: ... Ye que vivimos nel sieglu XXI...

RD: ¡Ay que despiste que me van a sacar ahora en todos los zappings de la nación!

LMM: Pero entrando en fariña, ¿Qué tienen pensao facer n'Asturies?

RD: Ya le digo que no hablo dialecto.

LMM: Hum hum... Medidas concretas de su política para los próximos años en Asturias si ganan las elecciones.

RD: ¡Ajá! ¡Usted habla la lengua común! ¡Los separatistas son todos iguales, un poco gallegos! ¡Ve como nos entendemos todos los españoles libremente!

LMM: Creo que está usted eludiendo mi pregunta. Medidas concretas.

RD: Bueno... Para empezar vamos a quitar la cruz del escudo y de la bandera de Asturias, porque somos un partido laico. Luego quitaremos el escudo y la bandera, puesto que son las autonomías la base de la crisis. Seguidamente suprimiremos ayuntamientos, dejaremos 8 sólamente en Asturias (seremos suaves). Como no tendremos BOPA, daremos su rango equivalente a LNE. Y será la propia LNE quien presidirá la Diputación Provincial, junto a mi, claro. Pero yo desde Madrid ¿eh? Por supuesto, eliminaremos la enseñanza de dialecto en escuelas, institutos, y universidad; en su lugar se mostrarán las entrevistas de Juan Neira en Canal 10. Poco a poco...

LMM: ...

RD: Como no habrá autonomía en Asturias, se resuelve de un plumazo el problema de la sanidad y de la RTPA. El SESPA no llevará ni un euro más de los presupuestos autonómicos (puesto que no va haber tales presupuestos) al igual que la RTPA. Lo que haremos será reponer una y otra vez en su lugar la película Vente pa Alemania Pepe, hasta que, hastiados, miles de asturianos, efectivamente se marchen a Alemania, y aquí Paz y Despues Gloria.

LMM: ... ¿Y col metal, la minería y l'agricultura?

RD: ¡Joder, cómo sois los de provincias, si tenéis de todo y aún os quejáis!

LMM: ¡Pero usté quier tresformar Asturies nun ermu!

RD: ¡¿Lo ve?! ¡Usted lo ha dicho, vamos a dejar Asturias hermosa! (¿Hermo en jerga impuesta separatisa es hermoso, no?)

LMM: Meca, qué pufu.... Agora yá séi por qué esti fedor nun concede entrevistas...

RD: ... y luego, y luego, yo voy a ser presidenta, no presidente de la nación, y, uuuuuuuh, van a hacer lo que diga yo... y, y, ZP y Rajoy, se acordarán!!! ¡¡¡¡EH, JOVEN SEPARATISTA E INSOLIDARIO, NO SE MARCHE!!!!

(Ai, qué dolor de cabeza. Quién me mandaría andar tres d'esta xente)

Especial Elecciones Nacionales 25M (III)

Qué queréis que vos diga... A min Rafa Palacios caime bien. (Igual puede ser que tampoco lu conozo bien). Nun sé.

Pero dame confianza. Sí, ye l'únicu candidatu nestes elecciones que ta saneáu, y ye cosa que, a min que soi de la Zorra Rural, tranquilízame.

A min, d'ésti, préstame la casa, pero non el personax. Ái, y el patinazu col tema la toponimia...



Por siguir colos parecíos razonables, L'Home-Llobu col payoutu xacobín y xateiru:

La miesma cara d'aldeanu. Tien los güeyos d'aldeanu. Agora que lo pienso, ¡¡¡como los de mio!!!

Pero ponéi-ys una boina, yá veréis como-ys cala...

Sí ¿eh? Yá lo tabais viendo, ¿eh?

Y, cómo non, equí nun salva naide:

 

Los parecíos semeyen, semeyen abondo bien. Al d'UPyD nun-y voi poner nengún porque nun teo ganes, porque ye d'UPyD y nun me fai gracia. 

A min Rafa Palacios siempre me volvió al maxín (sedrá pola so cara redonda, y porque-y teo cierta simpatía) a esti personax:

Don't panic...

...Porque nesta otra semeya siempre acoyono:

(Paecen otra cosa. Porque ta la bandera, que sinon...)




Bono, venga yá, nun voi discriminar (como faen ellos cola llingua asturiana) a UPyD:

Sí, lo que piensan. Ehí ta Rosa Díez cuando llegó del planeta de los llargatos, más nueva. Rosa Díez la la roxa d'UVE, y tolos díes merienda un mure. Y la morena, sí señores, foi, nantes de camudar el sexu y poner pirula, el candidatu p'Asturies, Nunséqué Prendes.



Y non, nunca nun supi qué yera lo que quería demostrar Rosa Díez cuando se vistió asina:

Pero por poner otru paecíu razonable....

Yo, polo menos asina lo veo...