El nuesu padremuñu inmaterial

Hastasagora paez que'l Padremuñu de Cultura Inmaterial Asturianu yera dalgo nun sólo inexistente, sinon un incordiu, sobre too pa les élites llariegues, que como un corifeu d'un teatru romanu dirixen la opinión del d'abaxo, y asina queda'l "home ho, ¿eso pa qué, ho?".

Y tovía ta na retina la propuesta pal reconocimientu inmaterial del Gallego-portugués, aquella qu'incluía al gallego-asturianu y que, dende Asturies, fíxerase tolo posible por baltar.

Pero nesta Historia de puesta en valor al resto de la cultura inmaterial hai dende instituciones como'l Muséu del Pueblu d'Asturies, y la rede de museos etnográficos d'Asturies, como'l trabayu de tola xente que foi pelos pueblos recoyendo tol saber popular; los músicos, escritores, estudiosos, etnógrafos, profesores, aficionaos, llingüístas...

Mención había que facer tamién al éxitu del programa d'Ambás na TPA, que foi un trabayu mui bono porque espeyaba'l llabor d'un etnógrafu (bono, nesti casu un músicu) que brindaba tol procesu dende que fala col paisanu hasta que la pieza se reellabora, y qu'a la xente-y prestó pola vida.

Polo qu'agora n'Asturies tenemos trés bienes esperando pal so reconocimientu: La Misa de Gaita, la Toná, Asturianada o Canción Asturiana y la Cultura de la Sidra.

Teo que dicir que soi un poco partícipe de les trés, y por ello toi contentu.

Creo que ye mui bonu pa la nuesa cultura, porque chisca a todo: Ye bono por exemplu pal Idioma, porque dientro de la cultura sidrera o de l'Asturianada hai bien de lletras o términos n'asturianu, que van tener un reconocimientu, como llingua independiente, que lo merez. Eso, amás del so valir económicu: pa la producción de la sidra o pal mundu l'espectáculu y puramente musical.

Polo que yá yera hora que nos (se) decataramos (-án) del valir d'esi patrimoniu, los intanxibles, el valor añedíu, que tanto se fala nestos tiempos últimos.


Con estas noticias tamos de norabona, y esperemos que-y vala a tola Humanidá; dende Asturies al Mundu.

¿Qué comedia yía esta?

Ensin cole, tase meyor, yía una especie d'axioma que teníamos la mocedá del miou tiempu. Polo menos en Salas hai bien áu tirar, que si Visu, que si Aguión, que si ríu, que si mina, que si chigres... una oferta espampanante.

Pero si en verdá sos de la Ría Miranda, entós non, porque esi yía'l camín pa, si sos d'ehí, endrogase. Porque na Ría Miranda son muncho d'eso.

Ello yía qu'a los rapaces que van camín de Salas pa calecer las sillas del Prostitutu quitanon-ys el coche-llinia, ya ¿qué van facer los probes piteiros? Pues qué queréis que vos diga, un balmontinu na tua vida siempre l'allegra. Yia la nuesa metáfora del homosexual (asigún lo dixera un homosexual de verdá: Falete): el floreiru que tien d'haber en toda casa. ¿Ya qué yía una casa ensin floreiru? ¡Ello allegralo todo bien!

Polo que los probes neños de Balmonte (pero n'especial los de la Ría, que son los más simpáticos) cumplen un doble trabayu: Calecer ya crear ambiente.

Pero yá lo dixe, que son xente mui d'endrogase. Mui macarras. Un pouco cumo'l ministru Montoro. Bueno, tanto non. Un pouco de James Dean, pero pouco más.

Claro, lo que pasa yía que son los d'Uviéu, qu'ellos tolo saben, ya quieren mandar a los neños camín de Grau, porque asina llueo da pa zarrar el Prostitutu de Salas, ya con un Institutu en Grau tenemos pa todos, gastamos menos, ya halón, ya'l Madrid outra vuelta campión d'Europa.

Pero yía que'l Prostitutu de Salas yía una fonte de creación de sinerxías a nivel d'Asturias (bono del Conceyu Salas polo menos; del Conceyu Salas ya la redolada) unde igual se fai un desfile de modelos que se vei reventar unos poucos oucalitos (polo menos nos mious tiempos.... ) ya ello prestaba.

Ya a nós préstanos que vengan los de Balmonte, porque son mui animaos pa crear sinerxías. Ellos falan d'entelequia; bono, yía más entelequia qu'outra cousa: ehí los famosos guateques nos años 2000 ya 1990, cuando sólo taba Salas ya Benidorm, ya Benidorm sólo en temporada baxa.

¿Cúmo nun se puede ser de Salas ou de Balmonte ensin saber que yía un guateque ou facer una espicha nel Visu ou un botellón na Mina? Pues dígovos la verdá, que quién conoz las espichas de química ou de bioloxía ya nun conoz las espichas del Visu yía cumo quién nun conoz nada... ¡Ya canela'l que conoza espicha nel Visu más Vuelta Ciclista más pire del Prostititu!

Pero manca, manca que nun lleven a la xente de Balmonte pa Salas. Yía'l preludiu del fin [Un preludiu del fin nuna yía un postludiu] del Insitutu de Salas, que yá yía pequenu de por sí.

Ah, que penina

Lo que se da nun se volve

Hala, agora nun hai vuelta atrás. Si lleváis Uvieo, con tolas consecuencias. Nun s'almiten devoluciones...


Pd. Encántanme los gallegos: Nun tienen outru sitiu óu colocar Uvieo que na Costa da Morte... hahaha....

Pd (2). Ya esto traime a la memoria aquella ocurrencia capitalina de facer una playa artificial na parte Trubia, creo... ¡Hala!

Foto

Vía esta noticia, qu'enllaza darréu.

Asina que pal PSOE, y aínda más, pal Llobeiru, esto ye una macedonia de frutes, na qu'hai naciones, nacionalidaes y rexones, y tu nun ties cara de nación nin nacionalidá, colo que, Asturies del Alma Mía, yá sabemos toos lo que yes.

Ayer, na Nueva España, a la conseyera d'Educación y Cultura preguntanon-y sí taba pol asturianu -cumo asignatura, esto ye, llingua asturiana- ya ella, pues home, cuitadina como una parpayara dixo que, tampoco una cosa asina... que vaya, una cosa ye fadiar a Wert y otra cosa ye la llingua, pola llingua.

Colo que la situación del Home Llobu, a min faime bien de rir. Ehí repanchingáu -pensaba nel Dóberman, amás; que nunca la vio más gorda- col presidente d'Andalucía, que ye una Comunidá Autónoma de les de verdá, y con Rubalfaba y Elena Valenciano (que tamién tien nome de Comunidá Autónoma de les de verdá), pues ta como Forrest Gump. Sí, podíemos dicir que ye un poco un Forrest Gump de la política llariega, y nesti casu Españolona.

Claro que, nesta situación de crisis la coyuntura tampoco nun axuda. Porque al Llobeiru sacánonlu porque-ys fallanon otros. Ehí teníen que tar el presidente d'Estremadura, de Castiella-La Mancha, y dalgún otru, por exemplu de la Generalitat o de la Xunta o País Vasco. Pero bono, tamos de crisis y la crisis ye pa too igual.

Mamina, fártase ún de falar de too esti comiciu. Prósimamente voi falar d'otres coses porque sinon va dame una llouriada na cabeza que va ser mala.....

Nomes, nomes

Meixannos purriba ya nós dicimos que chueve.

Dos meses pasanon dende la última entrada que feixe nesti blogue. Pues teo que dicir que nun yía casualidá, que tardara tanto. Más que nada, esto yía pola catarsis que ta provocando la crisis, esi ver cumo esfana'l sistema, pero ellos siguen agarraos... Ya d'ente la xente del común -porque PP ya P$OE tán ehí porque la xente los votóu, ta claro- los que-ys aplauden. Siempre touve la sensación de qu'esa xente cuando los xustifica, han tener la sensación de beber un vasu piedras, pero claro, queda todo nuna sensación.

Pero bono, por nun falar de la crisis (¿Ou sí?) vou referime a cúmo güei chanon del Congresu al deputáu Joan Tardà por falar catalán.

Ya paezme tremendo. Velehí la discriminación real del Reinu d'España a tolo español diferente. Porque'l catalán yía una llingua del Reinu. Yía más, si Cataluña saliera d'España, siguiría falándose catalán en Valencia ou n'Aragón ou nas Isllas Baleares.

Claro que, tamos mui avezaos a todo esto. Asina yía, Meixan purriba nós ya dicimos ¡Chueve! Porque a la xente-y paez normal lo que yía una contradicción: Si una familia en Cataluña pide qu'al sou neñu-y puengan escuela en castellanu, el restu la clas vei tener escuela en castellán, pero si toca al rovés, ya piden falar en catalán ya que'l restu pase.... entós non.

Bien yía verdá que catalán ya castellán son las llinguas oficiales de Cataluña -sacante d'Arán, au tamién yía oficial l'occitanu; ya nel restu d'España yía castellán ou castellán más outra... Ya n'Asturias yía oficial el castellán ya ésta na qu'escribo ta protexida, ou regulada ou dalgo asina, que bono, yía l' status que pidirían pal catalán dalgunos, ya entós pa outros esti status yía por demás.

Tola vida me paecéu lo mesmo. Porque de xuru, sufríu llector que gastas tiempu (ya visión) en lleer estas paroladas, tarás pensando cousas cumo "¡Ai Mamina! ¡Qué chorrada! ¡Qué manera de perder el tiempu! ¡Cola de cousas más importantes qu'hai na vida!"; ya ehí yá metimos la patona.

Nesta Montaña que yía'l Mundu Civilizáu, l'Orde, El Vivir nun Mundu siquiera un poucoñín Meyor, cousas cumo ésta forman el primer pasu. Porque ési yía'l purmeiru, que vei llevanos a todos cara recortes en prestaciones sociales, ya a un mayor emprobecimientu. Porque'l llamáu Interés Común cadún presentalo cumo-y más interesa (pero ehí nun xeitu individual).

The Sinking of Reuben James