Cumo comer un par de morciellas, tovía toi repitiendo la noticia: FAC xuntóu cola UPyD pa facer un grupu parllamentariu nel Congresu de los Deputaos.
Con UPyD. El partíu nacionaliegu español. El que más fai por escluyir las identidades nacionales que conforman l'Estáu Español. El partíu más glotocida, pa colas llinguas minorizadas. El partíu que, en definitiva, escuendese siempre na sua defensa del nacionalismu español.
Buó, pues ehí van los intereses d'Asturias. La voz d'esti país. Vei prestar ver a Rosa Díez falando de los problemas de tolos asturianos. Anque bono, en realidá nun vei poder, porque nuna miesma intervención yía bien difícil defender Asturies mentres s'ataca Catalunya ya Euskal Herria... por nun falar d'Andalucía, Castiella, Aragón ou Galicia, ente outros.
Cuando dende LNE anunciaban que FAC yera yá una cousa cásique cumo'l PNV, pues, mirái p'allá, son más españolistas que'l PP. Bono, prehí. ¡Qué vergoña! ¡Áu tarán agora aquellos! Yía más, ¿úlos los asturianistas que los apoyanon?
A tomar por culu hom, con tola tropa aquella de Fernando Savater, Rosa Díez, Álvaro Pombo... etc.
Nenhum comentário:
Postar um comentário